劉思希雖忙於拍處境劇《愛．回家之開心速遞》，但好學嘅佢同時亦喺香港科技大學修讀EMBA課程。近期飛去以色列上堂嘅佢話難得放假，約埋成班同學去耶路撒冷遊古蹟，最好笑係佢邊吸收文化氣息邊話驚曬黑，因為曬黑咗就驚連唔到戲，所以成為唯一一個帶住縮骨遮行耶路撒冷城嘅人，佢留言：「雖然我沒有宗教信仰，但還是被這個世界其中一個最古老的城市所震撼，文物保護得非常好，我們從早上10:00走到下午6:00，終於把大部分舊城區走了一遍…不過以色列的陽光實在太好了，為了回香港拍《愛回家》膚色可以連戲，我應該是今天游（遊）走耶路撒冷城唯一一個帶『縮骨遮』擋陽光的人！」